Ama’r Sport í jólahýri

Síðst í november heldur Ama’r Sport rimmar jólaútsølu. Ama’r Sport er í jólahýri, og tískil lata teir 50% í avsláttri upp á alt í handlinum.

 

Ama’r Sport, sum heldur til á Amagerbrogade 165-167, hevur í fleiri ár stuðla ÍF Føroyum eitt nú við klæðum og útgerð. Limirnir hjá ÍF Føroyum fáa eisini 10 % í avsláttri, um keypt verður í handlinum. Les meira um Ama’r Sport HER

 

Opið:

Hósdagin 28. november 2013 kl. 10-18

Fríggjadagin 29. november 2013 kl. 10-19

Leygardagin 30. november 2013 kl. 10-16

Leikarin á bonkinum: Gunvá Joan Pállson

So sótu vit aftur á bonkinum og hesuferð er tað Gøtumadamman Gunvá Joan Pállson, ið klaskar dintilin niður á regnváta bonkin úti á Kløvermarkini. Tann onkuntíð mismælta Gunvá ella Fung Ku Fighting, sum vinkonurnar kalla hana, flutti niður til Keypmannahavnar um árskiftið í fjør. Fung Ku hevur spælt ninja við ÍF Føroyum síðan mars í fjør og lesur námsfrøði, men ætlar sær í gongd við at lesa til sjúkrarøktarfrøðing eftir jól. Gunvá er single og við ársveistluni runt um horni, skuldi verði lagamannið hjá ÍF Føroyar sjeikunum at boðið Gunvá til ein sving om úti í Valby. Gunvá sigur sjálv at Seinasta vaktin hjá Tey av Kamarinum fær hana í tað góða lagið, so tað handlar um at verða parat tá ið Jákup Sørensen fer eftir harmonikuni. Vit takka Gunvá fyri stutta práti og ynski henni góða futsalsesong.

Lýs teg sum fótbóltsspælara við 3 orðum:
Stríðsvilji, skødd og vánaligur tapari.

Svevur tú 8 tímar hvørja nátt?
Ja, um ikki, so plagi eg at innheinta tað seinni út á dagin.

Fleiri lutaseðlar ella hægri limagjald?
Uha.. Tað er rættiliga synd, at babba skal keypa eitt heilt bunti hvørjaferð so eg velji hægri limagjald.

Hvønn sang burdu øll havt hoyrt minst einaferð og hví?
Øll burdu hoyrt Jákup Sørensen spælt “seinasta vaktin” á harmoniku. Tí tað er bara nakað, sum má upplivast.

Nær vaskaði tú skinnarnar seinast?
Eg haldi tað var í februar mánaði. (Gunvá svaraði spurningunum áðrenn heimsíðan bleiv hakkað, so tað er møguligt at teir eru vaskaðir síðan, red. )

Besti leikari tú hevur leikt við?
Okay, um eg bara skal velja eina so er Jacoba Langaard eitt gott boð.

Besta ÍF Føroyar ball?
Eg haldi faktiskt at øll ballini, sum eg havi upplivað við ÍF-Føroyum hava verði fantastiska stuttlig og góð, men tað sum er frískast í minninum er Summershakedown gone western. Tað var so yvir stuttligt, nógv góð fólk og gott lív í. Øgiliga væl fyriskipað :p

Hvat er ein góður kossur?
Ein sum ger meg bleytan í knøðunum.

Besta minnið av Kløvermarkini?
Har eru nógv góð minnir á kløvermarkini. Nógvar stuttligar venjingar, og so dystirnar vit hava vunni. Men dugi ikki at koma í tankar um serliga hending.

Hvør hevur best reyv á liðnum hjá tær?
Tað er øðiliga trupult at siga, tí har eru fleiri flottar rumpur á liðnum, men um eg skal nevna eina, so má tað vera Booty Bára! Hon er verd at “tjekka” út !

Hvat kundi verði betri í ÍF Føroyum?
Eg havi sum so onki at seta fingurin á. Haldi at nevdin og onnur gera eitt framúr gott arbeiðið. Men um eg skal nevna okkurt, so hevði tað lætna nógv um vit kundu fingi hjól undir málini.

Hvat er tað besta við ÍF Føroyum?
Tað má vera tað sosiala. Man kemur at kenna nógv nýggj fólk og tað er gott samanhald. Hava fleiri stuttligar løtur saman, bæði sum eitt lið og felag. Og so sjálvandi, at vit fáa møguleikan at spæla fótbólt í einum føroyskum felagi.

Hvat er tað besta skoritriksi?
Nú eri eg ikki serliga køn innanfyri hatta øki. Men eg havi eygleitt tí sera engageraðu Maritu Joensen á Skarv, og har havi eg sæð nøkur skoritriks, sum tíverri ikki eru borðbar. So um onkur hevur hug at læra eitt triks ella tvey, so kann man venda sær til Maritu Joensen, hon er at finna á facebook og á Skarv.

Hvat skulu vit spyrja næsta leikara?
Av tí at leikarin á bonkinum seinast (Rólant Waag Dam) var so øgiliga spentur uppá sín spurning og eg av onkrari orsøk ikki fekk møguleikan at svara honum, so eg velji at seta spurningin umaftur. Riggar Hanus Eliasen betri við ella uttan skegg? Hetta kundi møguliga eisini verði ein spurnarkanning á heimasíðuni, tí tað er av sonnum eitt mál, sum býtir fjøldina. (Av tí at heimasíðan gloymdi at seta Gunvá spurningin, so er stafettin hervið givin víðari, red.)

 

1. Liðið vann trygt á Nørrebro United

Hóskvøldið 31. oktober hevði 1. liðið hjá ÍFF leitað sær ein túr út í ”Ryparken” at spæla landskappingardyst móti Nørrebro United. Úrslitið gjørdist ein greiður 2-6 sigur til ÍF Føroyar.

 

ÍF Føroyar byrjaði dystin soleiðis: Mathias – Bárður, Ovi, Oddur, Jóhan – Uni, Tummas, John, Hanus – Chr. Høgni, Johan.

Á bonkinum sótu: Rói, Ásfinnur og Erland

 

ÍF Føroyar byrjaði dystin væl, og fingu vit eisini spælt okkum fram til nakrar naskar royndir ímóti málinum, tó uttan at hetta gav nakað mál. Tó var tað Nørrebro United sum opnaði ballið, við einum málið, sum Oddur má takað á seg, tá hann ikki fekk rudda orduliga burtur. Oddur skuldi tó gera skaða góðan aftur seinni í dystinum við heili tveimum málum.

Aftaná málið bylgjaði dysturin eitt sindur aftur og fram, og tá 10 min. vóru eftir av fyrra hálvleiki, skoraði ÍFF uppá eitt gott gjøgnum spælt álop. Uni og Bárður spældu væl samman í okkara høgru síðu, og endin var, at Bárður legði bóltin væl innfyri, og við aftaru stong kundi Chr. Høgni lætt seta høvdið á bóltin og í málið til 1-1. Eftir málið byrjaði ÍF Føroyar at seta trýst á Nørrbro verjuna, og beint áðrenn hálvleik fingu føroyingar aftur mál. Hesufer aftaná eitt horna, sum Johan tók sær av, bleiv bólturin skotin væl innfyri, har Oddur var hægstur og knalhart skallaði bóltini í málið til 1-2.

Í seinna hálvleiki vóru føroyingar spælistýrandi, og spældu vit okkum eisini fram til fleiri góðar málmøguleikar, sum eisini góvu fleiri mál. Fyrsta av málinum var eitt av teimum serligu, har Chr. Høgni skeyt úr eini 40 metrum og beinleiðis í málið.

Næsta málið skoraði Oddur Højgaard, eftir at hann bleiv sendur avstað, og einsamallur við málmannin skoraði hann trygt til 1-4. Lítla løtu seinni kundi Chr. Høgni økja til 1-5, tá hann eisini kom einsamallur ímóti málinum.

Jóhan Ellingsgaard vildi eisini vera við í málskjótingini og eftir einari góðari frí spæling frá Ova, skoraði Johan sikkurt til 1-6. Ímóti endanum av dystinum skoraði Nørrebro so til endaliga úrsliti 2-6.

Atkvøður: Chr. Høgni 8, Tummas 2, Uni 1, John 1, Erland 1, Oddur 1.

/chj