Aðalfundur 2017

Mánadagin 13. februar verður árligi aðalfundurin hjá ÍF Føroyum avhildin. Fundurin verður hildin í veitsluhølinum á Oyrasundskollegiinum kl.20.00

Av tí, at fýra av nevndarlimunum hjá ÍF Føroyar fótbólti leggja frá sær í ár, vilja vit heita á tey, sum hugsa seg hava ein lítlan nevndarlim goymdan í búkinum, at koma til fundin og stilla upp til val av nevndarlimum. Hetta hevði glett okkum stórvegis.

Vit síggjast!

 

Skrá

Sambært viðtøkum felagsins eru fylgjandi punkt á skránni:

  1. Val av fundarstjóra og skrivara.
  2. Formansfrágreiðing.
  3. Framløga av grannskoðaðum roknskapi til góðkenningar.
  4. Framløga av fíggjarætlan.
  5. Góðkenning av limagjøldum.
  6. Val av aðalnevnd og deildarnevndum.
  7. Val av roknskapargrannskoðara.
  8. Innkomin mál.

Innkomin mál skulu verða felagnum í hendi seinast eina viku áðrenn fundin, tvs. týsdagin 2. februar og skulu sendast til nevnd@fotboltur.fo ella nevnd@hondboltur.dk.

Vinarliga

ÍF Føroyar nevndin