Mathias brotnaði
Fyrstu boðini ljóðaðu, at Mathias einki hevði brotið, men kannaður av serfrøðingum vísti tað seg, at kjálkabeinið hevur sæð betri dagar, umframt at nøsin eisini hevur fingið skaða.
Hann sá øgiligur út. Líktist mest Kessler seinast hesin var í ringinum. Lagnurnar speisemi hevur eisini syrgt fyri, at tað ikki riggar at leggja myndir á heimasíðuna í hesum døgum. Tilvildarligt er tað neyvan!
Portørarnir, sum komu eftir klaksvíkinginum mettu, at Mathias helst ikki hevði brotið nakað.
Serfrøðin á sjúkrahúsinum hevur nú staðfest, at Mathias hevur brotið kjálkabeinið. Harumframt hevur nøsin eisini flutt seg og er møguliga eisini brotin. Mathias skal til læknan aftur í morgin, men hevur longu nú fingið boð um, at hann ikki skal eta fasta føði næstu dagarnar.
