Dystarfrásøgn

østerbro IF	0 - 5 (0 - 2 )		ÍF Føroyar
		Ingibjørn Johannesen (24.) Olivur Abrahamsen (40.) Jákup Sørensen (55.) Pætur Jacobsen (63.) Ingibjørn Johannesen (70.)

Málveitsla og blóð

Ingibjørn Johannesen byrjaði ballið sunnudagin, tá hann stútaði ÍF Føroyar á sigurskós miðskeiðis í fyrra hálvleiki. Tað var eisini sami maður, sum endaði málveitsluna, tá hann setti eitt brotsspark í netið.
Kortini var tað Jákup Sørensen, sum flest øll tosaðu um eftir dystin. Hann drúnstútaði nevniliga ein bólt í kassan, og fekk ein alboga í andliti, soleiðis at blóðið fleyt frá andlitinum og hann noyddist av vøllinum.
Lukkutíð spældi 3. lið í Fælledparken, sum liggur beint upp at Ríkissjúkrahúsinum. So í fullari fótbóltsmondering gingu Jákup Sørensen og Eirik Hammer yvir á Ríkissjúkrahúsið. Hetta góða Ríkissjúkrahús, sjúkrahúsið yvir øllum øðrum sjúkrahúsum í danska ríkinum, hevur bara onga skaðastovu. So lærdi man tað!?
Tískil varð Jákup Sørensen tveittur í ein hýruvogn, sum flutti hann á skaðastovuna.

Hini bæði málini hjá ÍF Føroyum gjørdu Olivur Abrahamsen og Pætur Jacobsen, sum báðir tveir høvdu møguleika at skora minst eitt mál aftrat – fyri at siga tað pent.

Men ein 0-5 sigur í ársins síðsta dysti er heldur ikki at kimsa at!

Uppstilling: 4-4-2