Tidindi

Skrivað: Andras K. Thomassen (16/2-2010 )

Teir næstbestu eisini byrjaðir

Soleiðis sá tað út, tá menn fyrireikaðu seg til at fara á vøllin í fjør

Eftir at hava ligið í dvala síðani seinnu helvt av oktober, er felagið av álvara við at vakna aftur. Nú hava teir næstbestu eisini funnið gaggurnar fram og eru farnir at venja, og kvinnurnar byrja eisini fyrsta dagin.

Hóast kuldin og serliga kavin hava gjørt sítt til at arga, so er ÍF Føroyar væl í gongd við at gera klárt til 2010.
Sigmund og 1. lið hava verði í gongd í nærum tvær vikur, har mesta venjingin hevur verið renning, tí at vallirnar ikki hava verið atkomiligir fyri kava.
Andras og 2. og 3. lið byrjaðu seinasta hósdag. Andras ætlaði at fara við monnum sínum á vøllin týsdagin í farnu viku, men teir sluppu ikki á gamla graslíkisvøllin fyrr enn hósdagin.
Á kvinnusíðuni eru fyrireikingarnar eisini farnar so smátt í gongd og væntandi verður fyrsta venjing mánadagin 22. februar. Kvinnurnar hava fund hóskvøldið og allar áhugaðar kunnu senda mail til Kristinu á kristina@kallnet.fo.
Venjingartíðirnar eru mánakvøld og hóskvøld kl. 18.55-20.20 og tað verða tær inntil farið á gras í apríl. Øll, ið hava áhuga eru vælkomin ein túr fram við Kløvermarkini.