Tidindi
|
| Skrivað: Andras K. Thomassen (9/5-2010
) |
2. liði tapti tepurt |
 |
Eyðfinn var kosin dagsins leikari hjá 2. liði um vikuskiftið
|
|
| 2. lið leikti fyri fyrstu ferð í ár á grasið og hóast vøllurin var ein av teimum betru, so megnaðu okkara ikki at drassa stig heimvið hesaferð. |
Brønshøj BK - ÍF Føroyar: 1-0(1-0)
Tað var lagt upp til ein spennandi dyst og vóru tað ávíkavist nummar fimm og seks í deildini, ið tørnaðu saman. Dysturin var, sum vænta, sera spennandi og javnur allan dystin á tamb. Okkara mans byrjaðu betri og Jósup og Pætur høvdu tveir fínar møguleikar teir fyrstu minuttirnar.
Tá tíggju minuttir vóru leiktir fingu okkara ein spann av vatn í høvdi, tá Petur Óli legði ein ov spakuligan bólt aftur til Sjúrð í málinum. Ein Brønshøj áleypara kom í millum driblaði elegant aftur og fram í brotsteignum og setti bóltin trygt í netið. Restin av dystinum var aftur og fram, okkara trýstu og Brønshøj kontraðu. Nærmast einum máli kom Teitur, tá hann stútaði eitt innlegg á tvørstongina.
Onki mál kom tó afturat og okkara menn hava nú 6 stig fyri 5 dystir og liggja á einum 7. plássið.
Eyðfinn bleiv dagsins leikari meðan Arni tók annað plássi og Petur Óli fekk triðja.
Næsti dystur verður á Kløvermarkini sunnudagin 16. maj kl. 11.15.
Liðið í dag: Sjúrður - Kaj, Arni, Jákup, Petur H - Magni, Petur Óli, Eyðfinn, Helgi - Jósup, Pætur.
Eyka: Teitur, Ove og Petur Oluf. |
|
|
